يامحمد قلبي تليته حيل

يابوالطرقي دوى كله

تقول الاطرق نهج تشميل

يم الحماده مصيفله

ياما نزلنا بها ونشيل

ونصفط البيت والحله

بيوتن تميز بريح الهيل

بس شوفها يبري العله

يعنك مانكتب الإيميل

ولانعرف نته وديسله

عسى الحماده يجيها امخيل

غيثن من السحب ترسله

تبرق وترعد ا بتال اليل

وتسقي عواليه وارجله

من قور ضويحي لغرب الهيل

من صواب ينكس على مظله

والتنف وخرجا والاطريبيل

والسيب يدرج شعيبله

تلقا الخزاما بهاو كحيل

ورد الصفارا رديفله

ورف القطا ومهات اكحيل

وحتى ام سالم تهلهله

حب الطبيعه ماهو تمثيل

وعشق البداوه بنا اجبله
سلام مني عدد تهليل

من حج ا لبيته وهلله

ردي على سالم الشويكي

حييت ياللي كتبت القيل
 من مصدره صافين زله

فصلت لي مقصدك تفصيل
 وذكرت اللي ماضين كله

واعدت لي ماضي التسجيل
وذكرت خلن نسا خله

يوم العرب ضوهم جنديل
ماعرفو القصر والفله

ويوم الاشاره بغمزة بيل
مامن تلفون نرسله

يوم الهواء يعذب الجهيل
 وقلوب الاصحاب يصقله

وقتٍ مضاء مانطمس بمزيل
 لو انتها غير نفطن له

وأصواب قلبي يحبه حيل
 من ذاق من ماه مامله

من عنز نسري عقب تعليل
 نارد على اصواب وندله

ماضعت عن مارده بالليل
 نعرف دروبن توصله

ومن الااغري الكنب الهيل
جميع غار انعرف ضله

كني اطالع لها بدربيل
 وشوفها اليوم محتله

متا على الله يزيل الويل
وتزيل عن دارها العله