من زارها ياذيب جاب  المكاسيـب        اما مـن الغـزلان والا  الحبـاري

هيضت في قلبي جروحا معاطيـب        وذكرتني وقت القنص  بالسفـاري

يوم المزاج يعذب الفكـر  تعذيـب        تبعد مصابيحـي بعيـد المسـاري

ذكرتنـي والله ذيـك المراقـيـب        ذكرتني يا خوك ذيـك  المحـاري

يا ما حلا هـدة قـوي المضاريـب        وقت الربيع وجنب ذيك  الخبـاري

يا ما حلا تسنيدت الطعس بالجيب.        وخوة نشاما يعشقـون المسـاري

ويا ما حلا البدوان مع شمخ  النيب        ودلال مسطوره على جـال نـاري

عشقي لهـا ربيـع والا لواهيـب        هذا انطباعي عن نفود الصحـاري

نسل أرجـال مقدميـن المواجيـب        ستر العذاراء لا بسات  الخـزاري

انا اشهد انك ذيب سمي على ذيـب        هاذي شهادة واعتـراف بقـراري

لو البشر ما تعلم اسـروالغيـب        لاشـك تطلـع للحقايـق مـواري

ما عرفك لأكن عرفتنـا المكاتيـب        والناس بالجـرة تقـص الاثـاري

وللناس حـق ولنشامـا مطاليـب        خل ازملاك يجهـزون  الطـواري

الوضـع يبغالـة تقيـم وتعقيـب        من المنتظم والمنتسـب  والإداري

نبي القلم يطلع جميـع العذاريـب        وانحرك الصامـت يقيـم أفكـاري

وصـل تحياتـي لكـل المعازيـب        بالموقع اللي جيتلـه  باختتيـاري

اجمل تحيـه للرجـال  وتراحيـب        افعالهم تكسر سيـوف  وشبـاري

وانا اشهد انك حر خطل المخاليب        يقدم على جزل القنص ما يـداري

اسرتني بطيبك وطيـب الاساليـب        لو هني من جـاك عانـي  وزاري

اكبر فخر عرفك على صافي الطيب        بين الرجال وزاد فيـك افتخـاري

العين دايم تحت ظـل  الحواجيـب        ما تعتلي لـو غرقتهـا  العبـاري

اكبر فخر لي يوم شفت المكاتيـب        في منتدى صقور الشمال  الحراري

دنياك يا محمـد تراهـا تجاريـب        ودنياي انا امشي به بحد اقتـداري

القدر ما يرسي بغيـر  المراكيـب        والناس ما تنزل شعيب وهيـاري